Прокуратура 14.3 миң аткаминерлердин декларацияларын текшерет

24 декабря 2019, 11:00

Мамлекеттик салык кызматы, Декларацияны убагында тапшырбаган жана декларация тапшырбаган 14.3 миң аткаминерлердин материалдарын прокуратура органдарына берет. Бул тууралуу КР Мамлекеттик салык кызматы билдирет. 

Маалыматка ылайык, 1.6 миң материалдар белгиленген мөөнөттү бузуу менен декларацияны бергендиги үчүн, анын ичинен 126 – саясий, атайын жана башкы администрациялык кызмат орундарын ээлеген адамдар. Декларацияны бербегендиги үчүн – 5 миң 106 мамлекеттик жана муниципалдык кызматчылар, анын ичинен 157 жогорку саясий, атайын жана башкы администрациялык кызмат орундарын ээлеген адамдар. Туура эмес маалыматтар менен декларацияны бергендиги үчүн – 7 миң 689 адам, алардын 499 – саясий, атайын, жогорку жана башкы административдик кызмат орундарын ээлегендер.

Декларацияны чындыкка дал келбеген маалымат менен толтурган - 7.7 миң материал, анын ичинен 499  декларация ээлери саясий, атайын, жогорку жана башкы админстративдик  кызматтта иштегендер.