«Европа» радио компаниясы 2.5 млн сомго жыштыкты сатып алышты

15- июлда  Мамлекеттик байланыш агентиги  жыштыктар боюнча  аукцион жүргүзүп, анда 107.4 МГц жыштыгы  379.8  миң  сомго сатыкка коюлган.Аукционго төрт компания катышып: «Европа» ЖЧК радио компаниясы,  Media Group Tumar ЖЧК,  «Телерадиокомпания «Азия-Центр» ЖЧК,  «Той Медиа» ЖЧК катышты. 

Сооданын жүрүшүндө  2 млн 506.4  миң сом сунушталган.  Жыштыкты «Европа» радио компаниясы  жеңип алганы тууралуу Байланыш агентиги билдирди.

Аукциондогу соода  1 саат 3 минут жүргөн. Экинчи ири сумма  Media Group Tumar (2 млн 316.5 миң сом) сунушталып, алар жеңүүчүдөн 190 миң сом кем беришкен.

 «Европа», Media Group Tumar компанияларынан сырткары аукционго « «Азия-Центр» телерадио компаниясы менен «Той Медиа» да катышкан. Онлайн-аукцион  Мамлекеттик байланыш агентигинин интернет-ресурсунда жүргөн.