Казакстан Кыргызстандыктарга виза алуу үчүн кирүүгө уруксат бериши мүмкүн

Тышкы иштер министринин орун басары Азизбек Мадмаров Казакстандын Кыргызстандагы элчиси Рапил Жошыбаевден кыргызстандын жарандарын Нур-Султан жана Алматыга виза алуу үчүн кирүүсүнө уруксат берүүнү суранды. Бул тууралуу ТИМден маалым болду. 

Казакстан Республикасынын элчиси билдиргендей, Казакстандын аймагына кирүү чечимин атайын түзүлгөн ведомстволор аралык комиссия кабыл алат. Мындан тышкары, Жошыбаев Кыргызстандын тышкы иштер министрлигинин сунуштарын колдой тургандыгын, ошондой эле кыргыз тараптын кайрылуусун комиссиянын кийинки отурумунда андан ары кароо үчүн жеткирүүгө даяр экендигин билдирди.