Россия эмне үчүн Кыргызстанга жардамын токтотту?

Россия Кыргызстанга каржы жардамдарын убактылуу токтоткон. Өлкөдөгү саясий абалдын тынчыбай жаткандыгына байланыштуу, Москва ушундай чечим кабыл алды. Бул тууралуу Евразия аналитикалык клубунун жетекчиси Никита Мендкович билдирген. 

 

Эксперттин билдиргенине караганда, Россия өз жардамын Кыргызстандагы өкмөт жана анын структурасы толук бекигенден кийин кайрадан жандантат. Стратегиялык өнөктөштүн легитимдүү бийликке ишеним артуусу - инвестициянын туура пайдаланышына кепилдик болот. 

 «Революциялык окуялардан кийин тартипти калыбына келтирүү керек. Башаламан учурунда ишканаларга бир катар кол салуулар болуп, жөнөтүлгөн акчалар майнапсыз болду», — деп билдирген ал.