Рубль доллар жана еврого карата алсызданды

Россия банкы 17-ноябрга карата валютанын орус рублине карата расмий курсун жарыялады. Такталган маалыматтарга караганда, рублдин курсу долларга жана еврого карата төмөндөдү.

Бир сутка ичинде доллар жана евро рублга карата 0,06%га жогорулап, тиешелүүлүгүнө жараша 60,3484 рублга жана 62,6675 рублга чейин көтөрүлдү.

Кошумчаласак, Кыргызстанда сомдун курсу рублдан башка бардык негизги валюталарга карата экинчи күндөн бери төмөндөп жатат.