Келерки жылдын май айынан тарта алтын рудасын экспорттоого тыюу салынат

Кийинки жылдын майынан тарта Кыргызстандан алтын рудасын жана алтын концентратын экспорттоого убактылуу тыюу салынат. Бул тууралуу президенттин басма сөз кызматы билдирди.

Алсак, 2023-жылдын 1-майынан тартып Кыргызстандын аймагында казылып алынган жана өндүрүлгөн алтын рудасын жана алтын концентратын өлкөдөн алып чыгууга алты айлык мөөнөткө убактылуу тыюу салуу белгиленген.

Муну менен бирге, “Кара-Балта тоо-кен комбинаты” ачык акционердик коомуна Кыргызстандын аймагында казылып алынган жана өндүрүлгөн алтын рудасын жана алтын концентратын кайра иштетүүгө өзгөчө укук берилет.