«Чек талап кылып, байге утуп ал!» лотереясы кийинки аптада ойнотулат

25-30-декабрда “Чек талап кылып, байге утуп ал!” лотереясы ойнотулат. Анда 521 iPhone 14, 519 смартфон, 158 ноутбук жана 21 Dyson чач кургаткыч белектери ойнотулат.

Лотерея күн сайын саат 13:00дөн баштап Салык кызматынын “Facebook” жана “YouTube” баракчаларында түз эфирде көрсөтүлөт.

Ал эми 30-декабрда супер байгелердин жеңүүчүлөрү аныкталат: 10 батир, 11 электромобил жана 4 чет өлкөгө саякат.

Түз эфир саат 15:00дө УТРК жана "Ала-Тоо 24" телеканалдарында, ошондой эле Салык кызматынын "Facebook" жана "YouTube" баракчаларында башталат. 

Учурда Салык кызматынын лотереясына 400 миңден ашуун кыргызстандык катышууда.