Жыл башынан бери Кыргызстандын мамлекеттик карызы 87 млн долларга көбөйдү

Кыргызстандын Каржы министрлиги июнь айынын соңуна карата Кыргызстандын мамлекеттик карызы боюнча маалыматтарды жарыялады. Берилген маалыматтарга ылайык, өлкөнүн жалпы милдеттенмелери 5 миллиард 224,43 миллион долларды түздү.

Ошентип, ал 2022-жылга болжолдонгон ИДПны 58,19% түздү.

Жыл башынан бери мамлекеттик карыз 87 миллион 70 миң долларга же 7 миллиард сомго өскөн. Өсүү ички карыздын 186 миллион 550 миң долларга көбөйүшүнө байланыштуу болсо, июнь айынын аягында 1 миллиард доллардан ашты.

Кошумчалай кетсек, ошол эле учурда тышкы карыз 99 миллион 480 миң долларга азайган.