Жыл башынан бери баалуу кагаздарды чыгаруудан бюджетке 7,8 млрд сом түшкөн

Ушул жылдын январь-июль айларында мамлекеттик баалуу кагаздарды чыгаруудан Кыргызстандын республикалык бюджетине иш жүзүндө 7 миллиард 878,1 миллион сом түшкөн, деп жазды Экономика жана финансы министрлиги.

Адаттагыдай эле, каражаттын көбү мамлекеттик казына облигацияларын жайгаштыруу аркылуу казынага түштү, алар жалпы көлөмдүн 96,5% ын түзөт.

Мамлекеттик казына векселдерин жайгаштыруунун эсебинен 268,9 миллион сом тартылган.