Сауд Арабиясы Кыргызстандагы мейманкана бизнесине инвестиция салат

Кыргызстанга Сауд Арабиясынын бизнес делегация келгенин Тышкы иштер министрлиги билдирди.

Royal Groupтун өкүлдөрү өлкөдө ар кандай инвестициялык долбоорлорду ишке ашырууну изилдешет. Мамлекеттик органдар араб делегациясына мейманкана жана рекреациялык комплекстерди куруудагы, ошондой эле мал чарбасы боюнча инвестициялык долбоорлорун сунушташат.

Royal Group Бишкек жана Ысык-Көл облусунун ар кандай объектилерине барып, мейманкана жана бизнес комплекстерин, ошондой эле жээкте жана тоолуу аймактарда курорттук-рекреациялык комплекстерди куруу мүмкүнчүлүгүн изилдейт.