Саясий партиялардын курултайлары жаңы иштелип чыккан эреже менен өткөрүлөт

Саясий партиялардын курултайларын өткөрүүнүн эрежелери иштелип чыгууда. Бул тууралуу өкмөт үйүндөгү маалымат жыйында өкмөт башчы Кубатбек Боронов билдирди.

 

«Жарандык коргонуу комиссиясы тарабынан саясий партиялардын курултайларын, эл менен жолугушууларын өткөрүүнүн эрежелери иштелип чыгууда. Ал талаптардын сакталышы катуу көзөмөлгө алынат. Биринчиден жыйынга түздөн-түз келип катышкандардын саны уруксат берилген сандан ашпашы керек. Ошол эле учурда онлайн өткөрүлгөн жыйындарга катышкандардын санына чектөө коюлбайт. Жыйын өтө турган жайда санитардык-эпидемиологиялык талаптар сакталышы керек. 3-4 саат бир бөлмөдө болуу оорунун тез жугуусуна шарт түзөт. Ошондуктан убак-убагы менен бөлмөлөрдү желдетип, жыйынды болушунча кыска убакытта өткөрүүгө аракет кылуу керек», - деди ал.