Транспорт министрлигиндеги департаменттин директору кызматтан бошотулду

Шабданбек Иманкулов Транспорт министрлигинин алдындагы жол чарба департаментинин директору кызматынан бошотулду. Бул буйрукка премьер-министр Улукбек Марипов кол койду.

Иманкулов бул кызматта 2018-жылдын 15-мартынан бери иштеп келген. 

Буга чейин УКМК транспорт жана жолдор министрлигине караштуу жол чарба департаментинин директоруна мыйзамсыз баюу боюнча сотко чейинки өндүрүш ишин баштаган. Республикалык маанидеги автомобиль жолдорун курууга мамлекеттик сатып алуулардын жылдык эсебинен ал активдерин бир кыйла көбөйттү деп болжолдонууда.

Аны жүзөгө ашыруу үчүн жыл сайын бюджеттин каражаттарынан үч миллион сомдон ашык акча бөлүнөт. Дал ушул мезгилде Шабданбек Иманкулов иштеген.