Швейцария Кыргызстанга 6.5 млн сом өлчөмүндө грант бөлдү
Жалал-Абад облусунун 14 айылындагы калкты тейлөө кызматтарды жакшыртуу үчүн грант берүү боюнча макулдашууга кол коюлду. Бул тууралуу жергиликтүү өзүн өзү башкаруу Союзу билдирди.
Маалыматка ылайык, гранттар Швейцария өкмөтү тарабынан «Аймактардагы кызмат көрсөтүүнү өнүктүрүү» долбоору жана жергиликтүү өзүн өзү башкаруу Союзу менен кызматташуу боюнча макулдашуу жүргүзүлгөндүн негизинде бөлүнүүдө. Көрсөтүлгөн жардамдын суммасы 6.5 млн сомду түзөт.
Долбоорго ылайык, аймактагы бир катар муниципалитеттерге жергиликтүү деңгээлде кызмат көрсөтүүлөрдү өркүндөтүү тууралуу иш-чаралардын планын түзүү боюнча окутуу өткөрүлдү. Окуудан кийин гранттык колдоо көрсөтүү максатында сынак өттү.