Сом рублден башка бардык валюталарга карата бекемделди

Кыргызстандын Улуттук банкы 19-июлга карата валюталардын сомго карата расмий курсун жарыялады. Бул тууралуу маалымат жөнгө салуучу органдын сайтында жайгаштырылды.

Такталган маалымат боюнча, доллардын сомго карата курсу 1,10%га арзандап, 80,0811 сомду түздү.

Сом еврого карата 0,11%га бекемделип, 81,1302 сом болду.

Рубль өсүүсүн улантууда. Бул жолу орус валютасы сомго карата 1,67%га бекемделип, 1,3839 сомду түздү.

Теңгенин сомго карата курсу 1,90%га арзандап, 0,1654 сом болду.