Долларга суроо-талап бир жумада 15,8% өстү

Өткөн аптада коммерциялык банктар банктар аралык валюта соодаларында 81 миллион 430 миң доллар сатып алышканын жөнгө салуучу орган билдирди.

Валютанын негизги бөлүгүн банктар 13-февралда Улуттук банк интервенция менен валюта рыногуна чыгып, 40 миллион 220 миң доллар саткан учурда сатып алышкан. Бул өткөн аптадагы соодада валютанын жалпы көлөмүнүн 49,39%ын камсыз кылган.

Белгилеп кетсек, жуманын аягындагы соодада доллардын баасы 0,5%га жогорулап, 87,42 сомду түзгөн.