Азия өлкөлөрүн айыл чарбаны өзгөртүүгө үндөлдү

Азия жана Тынч океан өлкөлөрүн айыл чарбасын заманбап, климатка ыңгайлуу жана инклюзивдүү кылып өзгөртүүгө үндөлдү. Бул тууралуу Азия өнүктүрүү банкынын (АӨБ) отчетунда айтылды.

АӨБдүн башкы экономистинин милдетин аткаруучу Жозеф Звегличтин айтымында, айыл чарба акыркы он жылдыкта Азия-Тынч океан аймагында тез экономикалык өсүштү колдоого алды, бирок бир нече кыйынчылыктар секторду модернизациялоо жана трансформациялоо зарылчылыгына түрткү болууда.

"Бул трансформацияны колдогон саясат азык-түлүктү үстөлгө коюу жана региондун калыбына келүүсүн жана туруктуу өнүгүүсүн коргоо үчүн өтө маанилүү", - дейт эксперт.

Баяндамага ылайык, COVID-19 пандемиясынан улам, Азиядагы өнүгүп келе жаткан өлкөлөрдө 75тен 80 миллионго чейин адам өтө жакырчылыкка кабылган. Бул өз кезегинде азык-түлүк коопсуздугу проблемасын курчутат. АКШнын айыл чарба министрлиги глобалдык ачарчылык быйыл болжол менен үчтөн бир бөлүккө жогорулайт деп эсептейт. Дүйнө жүзү боюнча азык-түлүк коопсуздугунан жапа чеккен кошумча 291 миллион кишинин 72% Азияда, айрыкча, Бангладеш, Индия, Индонезия жана Пакистанда жашашат.