Бишкекте мыйзамсыз курулган объектини бузууга сот аткаруучулар тоскоол болду

Бишкектин Москва көчөсүндөгү оюн клубун бузуу иштери башталгандын экинчи күнү сот аткаруучулар бул жумушту токтотушту. Бул тууралуу Бишкек шаардык мэриясынын сайтында маалымдалды.

Белгилүү болгондой, мэриянын көрктөндүрүү боюнча муниципалдык инспекциясы сот аткаруучулары менен биргеликте Биринчи Май райондук сотунун чечими менен имаратты бузууга киришти.

Бирок клубдун ээси аткаруу баракчасынын мыйзамдуулугун карап, соттун чечимин аткарууну жылдыруу өтүнүчү менен сотко кайрылганына байланыштуу сот аткаруучулар имаратты бузууну токтотушкан.