Таласта 323 кычкылтек концентратору, жасалма дем алдыруучу 21 аппараты бар

Талас облусунда 323 кычкылтек концентратору, жасалма дем алдыруучу 21 аппараты бар. Бул тууралуу өкмөттүн Талас облусундагы ыйгарым укуктуу өкүлү Марат Мураталиев брифингде билдирди.

Анын айтымында, облуста 7 БИПАП аппараты иштөөдө.

«Таласка өкмөт тарабынан жана жарандардан да жардам келүүдө. Жакында өкмөттөн 60ка жакын кычкылтек концентратору келген. Ал эми дары-дармектер боюнча айтсам, дарыканаларда гепарин жана клексан дарылары сатылып жатат. Ал эми ооруканаларда алар бекер берилүүдө», - дейт ал.

Мураталиев маалымдагандай, Бакай-Ата районундагы ооруканага суюк кычкылтек системасы киргизилген. Кара-Буура районунда жугуштуу оорулар ооруканасы жакынкы аралыкта ачылат.