Төрөбаев: Быйыл күйүүчү-майлоочу май боюнча көйгөй болбойт

Жогорку Кеңештин жыйынында суу ресурстары, айыл чарба жана кайра иштетүү өнөр жайы министри Бакыт Төрөбаев быйыл күйүүчү-майлоочу майдын тартыштыгы болбой турганын билдирди. 

Анын айтымында, үрөндөрдү даярдоо уланууда. 

“Алдын ала эсептөө боюнча үрөндөрдүн бардык турлөрү боюнча 98% жеткизебиз. Бүгүнкү күндө 10 миң тонна жер семирткич бар. Бул аз, кечээ "Бай дыйкан" компаниясы менен кол коюлду. Жер семирткич боюнча милдеттенме алышты. Алдын ала эсептөөлөр боюнча жер семирткичтер менен 45-47% камсыздалат. Күйүүчү-майлоочу май боюнча көйгөй жаралбайт. Мунай ташуучулар менен сүйлөшүп чыктым, бул багытта кризис же коркунуч байкалбайт", - деди министр.