Түркия үчүн ачылган атайын эсепке 108 млн сомдон ашык чогулду

Бүгүнкүгө карата Түркиядагы жер титирөөдө жабыркагандар үчүн ачылган атайын эсепке 108 486 717,46 сом чогулду. Бул тууралуу Каржы министрлиги билдирди. 

Ошондой эле, атайын эсепке 18 250 рубль жана 65,67 АКШ доллары түшкөн.

Эске салсак, 6-7-февралда Түркия жана Сирияда катуу жер силкинген. Мындан улам Түркияда 48 миңге жакын, ал эми Сирияда 8,5 миңге жакын адам каза таап, миңдеген жарандар баш панаасыз калышкан.