Лира Түркиянын Борбордук банкынын курсу төмөндөгөндөн кийин кулады

Түрк лирасы антирекордун жаңыртып, долларга карата биринчи жолу 1 доллар 15 лирадан ашты. Аналитиктердин айтымында, алсыздануу Борбордук банктын жаңы ченди төмөндөтүшүн күткөн шартта болду.

Түркиянын Борбордук банкынын расмий билдирүүсүнө караганда, акча-кредит саясаты комитетинин жыйынынан кийин жумалык РЕПО (белгилүү бир убакыттан кийин ушул келишимде алдын ала белгиленген баада кайра сатуу милдеттенмеси менен баалуу кагазды сатып алуу бүтүмү) аукционунун пайызын 15 пайыздан 14 пайызга түшүрүү чечими чыгарылды. Investing.com маалыматы боюнча, учурда АКШ доллары 4,5%га жогорулап, 16,37 лирадан сатылууда.

Ал эми кыргыз сомуна келсек, лира сомго карата да алсыраган. Акыркы жумада, 11-декабрдан тартып 15,9%, жыл ичинде - 51,43%.