Улуттук банк эсептик ченди 13% деңгээлинде сактап калды

Улуттук банк эсептик ченди 13 пайыз деңгээлинде сактап калды. Бул тууралуу мекеменин расмий өкүлү Аида Карабаева билдирди.

Эске сала кетсек, өлкөнүн башкы каржы мекемеси өткөн жылдын март айында эсептик ченди 10 пайыздан 14 пайызга чейин кескин жогорулатып, ноябрдын аягына чейин сактап, андан кийин 13 пайызга түшүргөн. Ошондон бери эсептик чен ушул деңгээлде сакталып калды.

Өлкөдө инфляциялык процесстердин басаңдашы уланса, эсептик чендин төмөндөшү болжолдонууда.

Белгилеп кетсек, ушул жылдын сентябрь айында Кыргызстанда баалардын өсүшү 5,7% түздү, бул Улуттук банктын жылдын акырына карата 7% божомолуна дал келет.