Өзбекстандыктар банкка ишеним артып баштады

2019-жылдын I-кварталында Өзбекстандын аманатчылары 8.1%  өсүп, алардын салган каражаты 15.9 трлн сумга же $1.9 млрд жетти. Бул тууралуу Өзбекстандын Борбордук банкы белгиледи. 

Улуттук  валютада аманат салгандардын саны 10.3% көбөйүп,  чет элдик валютадагы аманаттар  4.7%. Жалпы өзбекстандык жарандардын банктарга салган аманатттарынын көлөмү 62% жогорулаган.

2015-жылы аманаттардын жалпы көлөмү 6.9 трлн сум болсо, анда улуттук валютадагы каражаттар 77% түзгөн. 2017-жылы өлкөдө  валюталык реформа жүрүп, доллар менен евронун  курсун рынокко теңдөө жасалып, анын жыйынтыгында  сум менен салынган аманаттардын үлүшү 53% кыскарып, ал эми чет элдик валютадагы каражаттар 47% жогорулаган.

Өзбекстандын Борбордук банкынын маалыматы боюнча былтыр банктар тарткан депозиттердин көлөмү 70 трлн сум же $8.4 млрд болгон. Ушул эле маалда аманатчылардын чеги 14.7 трлн сумга жетип же $1.7 млрд болгон. 2018-жылдагы банктардагы кредиттик портфель  $20 млрд  болуп,  былтыркыга караганда 51%  жогорулаган.