Мамлекеттик ипотекалык компания таза кирешесин эки эсе көбөйттү

Мамлекеттик ипотекалык компаниянын 2022-жылдын жыйынтыгы боюнча таза кирешеси 172 миллион 717 миң сомду түздү. Мындай маалыматтар компаниянын финансылык отчетунда берилген.

2021-жылдын ушул мезгилине салыштырмалуу таза киреше дээрлик 2 эсеге же 82 миллион 437 миң сомго өскөн.

Пайданын өсүшү таза пайыздык кирешенин 1,5 эсеге, 140 млн 602 миң сомдон 208 млн 422 миң сомго, ошондой эле таза пайыздык эмес киреше - 6,5 эсеге, 10 миллион 70 миң сомдон 65 миллион 770 миң сомго чейин өсүшү менен камсыз кылынды.