Былтыр Кыргызстан 6,2 млрд сомго дивиденд алган

Былтыркы жылы Кыргызстанга акциялардын мамлекеттик пакети боюнча чегерилген дивиденддер жана мамлекеттик компаниялардан түшкөн пайда түрүндө 12 миллиард 276 миллион 281,3 миң сом түшкөн.

Анын ичинен дивиденддер мамлекеттик, муниципалдык акциялар пакети боюнча чегерилген – 6 млрд 157 млн ​​981,1 миң сом, мамлекеттик ишканалардан түшкөн пайда – 6 млрд 118,3 млн сом.

Мамлекеттик ишканалардан түшкөн пайданын басымдуу бөлүгү Кыргызстандын Улуттук банкынын кирешеси. Банк 2022-жылы бюджетке 5 миллиард 773,3 миллион сом которгон. Калган 345 миллион сом мамлекеттик ишканалардын кирешеси.