Балыкчыда модулдук үйлөрдү чыгаруучу ишкана иштеп жатат

Президент Садыр Жапаров бүгүн Балыкчы шаарындагы модулдук үйлөрдү чыгаруучу ишканага барды. Бул тууралуу мамлекет башчынын басма сөз кызматы билдирди.

Мындай үйлөрдү курууда күйбөгөн, жылуулукту үнөмдөөчү жана экологиялык жактан таза материалдар колдонулганы белгиленди.

Ошондой эле, белгилүү бир технология боюнча жасалган имарат тогуз баллдан ашык сейсмикалык жүктөрдү көтөрө алат. Модулдар керектүү коммуникацияларды жана ички жасалгаларды камтыйт. Мындай үйлөрдүн баасы "ачкычка тапшыруу" базарынан бир топ төмөн. Ишкананын кубаттуулугу өндүрүлгөн тетиктерди экспорттоого да мүмкүндүк берет.

Президент Садыр Жапаров ишкананын аймагын жана өндүрүш линияларын карап чыгып, мындай практикалык жана арзан турак жайларды өлкөнүн бардык аймактарында, анын ичинде жетүүгө кыйын аймактарда да каалаган мезгилде тезирээк курууга болорун белгиледи.

“Модулдук үйлөр ротация менен өлкөнүн башка аймактарына которулган райондордун акимдери, судьялары жана башка мамлекеттик кызматкерлер үчүн кызматтык турак жай катары пайдалануу пландаштырылууда”, - деп айтылат маалыматта.