Салык кызматкерлеринин мыйзамсыз аракеттери боюнча 45 киши жазаланды

Ушул жылдын тогуз айында Мамлекеттик салык кызматына жарандардан жана юридикалык жактардан 183 кайрылуу келип түшкөн, анын ичинен 21и "ишеним телефону" боюнча, 135и электрондук почта аркылуу.

Арыздардын ичинен 11 кайрылууда ишкердик субъекттеринин салык мыйзамдарын сактабаганы, 64ү салык кызматынын кызматкерлеринин мыйзамсыз аракеттерине байланыштуу, калган 107синде - башка ар кандай маселелер боюнча маалыматтар камтылган.

Салык органдарынын мыйзамсыз аракеттери тууралуу даттануулар боюнча кызматтык текшерүүнүн жүрүшүндө 31 арыз боюнча фактылар тастыкталган эмес, 4 кайрылуу учурда каралууда.

Тиешелүү чаралардын натыйжасында 45 салык кызматкери жазаланган.

Салык төлөөчүлөр тарабынан салык мыйзамдарынын бузулушу тууралуу 11 отчет боюнча эки арыздын фактылары толук ырасталган.