Каракол шаарында 100 млн сомго спорт комплекси курулат

Каракол шаарынын муниципалдык менчик башкармалыгы шаарга спорт комплексин курууга тендер жарыялады. Бул тууралуу мамлекеттик сатып алуулар сайтына жарыяланды. 

Тендердин баасы 100 миллион 51 миң 740 сомду түзөт. 

Арызда тендерди аткарган тарап спорт комплексинин эки блогун курууга тийиш экендиги көрсөтүлгөн. Долбоор каржылоо жеткиликтүү болгондон кийин ишке ашырылат.