Өлкөдө жаңы жумуш орундарынын 97%ы экономиканын формалдуу эмес секторунда түзүлгөн

Кыргызстанда 2022-жылдын биринчи кварталында 23 миң 967 жаңы жумушчу орун түзүлдү. Көбү - 33,6%ы айыл чарба тармагында. Мындай маалыматты Улуттук статистикалык комитет билдирет.

Маалыматка ылайык, түзүлгөн жумуш орундарынын басымдуу бөлүгү Чүй, Жалал-Абад облустарына жана Бишкек шаарына туура келет.

Түзүлгөн жумуш орундарынын саны боюнча алдыңкы 5 секторго айыл чарба, соода, курулуш жана башкалар кирген. Өндүрүш өнөр жайы 1 миң 148 орундук көрсөткүч менен бир аз төмөндөдү.

Бардык жумуш орундарынын негизги бөлүгү экономиканын формалдуу эмес секторунда түзүлгөн - 96,7%. Иштеп жаткан ишканалардын эсебинде болгону 787 жаңы жумушчу орун бар.