Сабиздин баасы 45 сомго түштү

Базарларда сабиздин баасы турукташа баштады. Бул тууралуу Монополияга каршы мамлекеттик кызматтын басма сөз кызматы билдирди.

Учурда "Сары-Өзөн базарында тазаланган сабиздин килограммы 50 сомдон, ал эми жуулбаса - 45 сомдон сатылууда. Башка базарларда киллограм сабиздин баасы 60-70 сомго төмөндөдү. Соода түйүндөрүндө да арзандай баштады. 

Сабиз башка социалдык мааниге ээ товарлардын баалары сыяктуу эле, монополияга каршы органдын туруктуу көзөмөлүндө кала берери белгиленди.

Белгилей кетсек, өткөн жылы сабиздин килограммы орто эсеп менен 25 сом болчу.