Коррупцияга каршы ишкерлер кеңеши түзүлдү

9 июля 2021, 09:40

Садыр Жапаров кол койгон буйрукка ылайык, президенттин алдында Коррупцияга каршы ишкерлер кеңеши түзүлдү. Бул тууралуу өлкө башчынын расмий сайтында маалымдалды.

Кыргыз Республикасынын Президентине караштуу Коррупцияга каршы ишкердик кеңешин түзүүнүн негизги максаты - коррупцияга каршы аракеттенүү чөйрөсүндөгү мамлекеттик саясаттын негизги багыттарын өркүндөтүү, мамлекеттик бийлик органдары менен жарандык коомдун ортосундагы натыйжалуу диалогду камсыз кылуу. Коррупция маселелери, ошондой эле бизнести өнүктүрүү үчүн жагымдуу шарттарды түзүү, инвестициялык климатты жана коргоо механизмдерин өркүндөтүү жана ишкердик субъектилеринин ишин колдоо экендиги белгилүү болду.