Кыргызстанда макарон азыктарын өндүрүү 83,2%га өстү

Ушул жылдын январь-июль айларында Кыргызстанда макарон азыктарын өндүрүү 2021-жылдын ушул мезгилине салыштырмалуу физикалык көлөмдө 83,2%га өстү. Буга республиканын Улуттук статистика комитетинин маалыматы далил.

Нарктык мааниде өсүш 2,3 эсени түздү. Алсак, эгерде 2022-жылы каралып жаткан мезгилде макарон азыктары (макарон, кесме жана ушул сыяктуу ун азыктары) 578 миллион 991 миң сомго өндүрүлгөн болсо, 2021-жылдын январь-июль айларында 255 миллион 788,5 миң сомго гана өндүрүлгөн.

Ошону менен бирге, ушул жылдын июль айында 95 миллион 85,3 миң сомго макарон азыктары өндүрүлгөн, бул өткөн жылга салыштырмалуу 2021-жылдын июль айына салыштырмалуу эки эсеге көп. Анда көрсөткүчтөр 46 миң 147,9 миң сомду түзгөн.

Кошумчалай кетсек, Улуттук статистикалык комитеттин маалыматы боюнча 19-августка карата республика боюнча орточо эсеп менен жогорку сорттогу буудай унунун баасы 63,7 сомго, ал эми биринчи сорту 51,7 сомго бааланган.