Микрокредиттердин үчтөн бир бөлүгү айыл чарбасын өнүктүрүүгө берилген

Ушул жылдын биринчи жарымында микрокредиттик уюмдар 17,7 миллиард сомго насыя берсе, аны алуучулардын саны 329 миң адамды түздү, деп билдирди Улуттук статистикалык комитеттегилер.

2020-жылдын тиешелүү мезгилине салыштырмалуу микрокредиттөө менен камтылган калктын саны 14%га азайган, ал эми берилген микрокредиттердин көлөмү, тескерисинче, 10%га өскөн.

Микрокредиттердин эң чоң суммасы Ош облусунун (22%), Бишкек (17%дан ашык), Жалал-Абад жана Чүй (ар бири 14%) облустарынын тургундарына берилди.

"Ушул жылдын биринчи жарымында берилген микрокредиттердин жалпы көлөмүнүн үчтөн бири (33%) айыл чарбасындагы ишмердүүлүктү өнүктүрүүгө багытталган, 32% керектөө муктаждыктары үчүн, 11% соода жана коомдук коомдук тамактануу, 7,5% курулуш үчүн", - деп билдирди статистика комитети.