Кыргызстанда төрт миңден ашуун бюджеттик орун бекитилди

Адистиктердин тизмеси жана орто кесиптик билим берүүчү окуу жайларында окутуу үчүн бюджеттик орундардын саны бекитилди, деп билдирди министрлер кабинетинин басма сөз кызматы.

Министрликтер менен мекемелердин арыздарына ылайык бюджеттик орундар төмөндөгүдөй бөлүштүрүлөт:

• Кыргыз Республикасынын Билим берүү жана илим министрлиги - 2309 орун;
• Кыргыз Республикасынын Саламаттык сактоо жана социалдык өнүгүү министрлиги - 1335 орун;
• Кыргыз Республикасынын Маданият, маалымат, спорт жана жаштар саясаты министрлиги - 427 орун;
• Кыргыз Республикасынын Транспорт, архитектура, курулуш жана коммуникация министрлиги - 60 орун.

Тиешелүү чечимге Министрлер кабинетинин төрагасы Улукбек Марипов кол койду.