Кыргызстанда пайдалуу кендерди казуунун көлөмү 44% га өстү

Ушул жылдын январь-июль айларында 175 миллиард 512,1 миллион сомго өнөр жай продукциясы өндүрүлгөн. Бул тууралуу Улуттук статистикалык комитет билдирди.

2020-жылдын ушул мезгилине салыштырмалуу 3,4%га төмөндөө бар. Өнөр жай өндүрүшүнүн төмөндөшү негизинен фармацевтикалык продукциянын (38,4%га), химия продуктуларынын (36,5%га), ошондой эле негизги металлдардын жана даяр металл буюмдарынын (31,7%га) өндүрүшүнүн төмөндөшү менен шартталган.

Ошол эле учурда тоо-кен өндүрүшүнүн көлөмүнүн өсүшү байкалууда. Каралып жаткан мезгилде алар 13 миллиард 815,9 миллион сомго бааланган, бир жыл мурун 9 миллиард 593,3 миллион сом болгон. Ошентип, өсүш 44%ды түзөт.