Кыргызстанда ИДПнын реалдуу өсүшү 3,7% түздү

Кыргызстанда 2021-жылдын биринчи жарымында экономикалык активдүүлүктүн калыбына келиши байкалууда, Кумтөр кенин иштетүү боюнча ишканаларды эсепке албаганда ИДПнын реалдуу өсүшү 3,7% түздү. Бул тууралуу Улуттук банктын басма сөз кызматы билдирди.

Ошол эле учурда, өнөр жай жана курулуш продукцияларынын көлөмүнүн кыскарышы өлкөнүн экономикасынын толук масштабда калыбына келишин чектейт. Ички керектөө салыштырмалуу начар бойдон калууда жана аны өлкөгө акча которуулар агымынын оң динамикасы колдоп турат.

2021-жылдын январь-май айларында жеке адамдардын акча которууларынын таза агымы 45,3% га көбөйүп, 778,1 млн долларды түзгөн.