Кыргызстанда алтын өндүрүү кыскарды

Кыргызстандын өнөр жай өндүрүшү 2023-жылдын биринчи жарым жылдыгында 0,4%га өскөндөн кийин 2023-жылдын январь-июль айларында 1,8%га кыскарган. Бул тууралуу Евразия өнүктүрүү банкынын адистери билдирди.

Көрсөткүчтүн начарлашы негизги металлдарды (негизинен алтын) өндүрүүнүн 5,4%га кыскарышына, ошондой эле суунун аз болгон шартында энергетика тармагындагы терс динамикага байланыштуу болгон.

Өнөр жай өндүрүшү текстиль тармагындагы жана металл рудаларын казып алуу тармагындагы ишканалар тарабынан колдоого алынган.

"Биз жылдын калган мезгилинде өнөр жай өндүрүшүнүн динамикасы туруксуз болот жана Кумтөр кениндеги алтын өндүрүүнүн көлөмү менен аныкталат деп ишенебиз", - деп жазды банктын аналитиктери.