Кыргызстан Түркияга учуу каттамдарынын санын көбөйтөт

29 июня 2021, 18:00

"Манас" эл аралык аэропорту 2-июлдан тарта Түркияга каттамдардын көбөйгөнүн билдирди.

Каттамдар "Пегасус" авиакомпаниясы тарабынан жүргүзүлүп, дагы үч каттам Стамбул-Бишкек-Стамбул маршруту боюнча жүргүзүлөт. Эми бардыгы болуп жумасына 10 каттам жүрөт.

Ошондой эле "Пегасус" авиакомпаниясы 6-июлдан тарта дагы бир каттам кошот. Ал Анталия-Бишкек-Анталия багыты боюнча болуп, жумасына жалпы беш каттам жүрөт.

Ал эми "Түрк аба жолдору" авиакомпаниясы ушул жылдын 1-июлунан тарта Стамбул-Бишкек-Стамбул маршруту боюнча дагы үч каттамды кошот. Баары биригип, жумасына жалпы 17 каттам болот.