Май айында Кыргызстандан Орусияга рекорддук сумма — 80,1 млн доллар жөнөтүлгөн

Май айында Кыргызстандан жеке жактардан акча каражаттарынын агылып чыгышы апрель айына салыштырмалуу 7,3%га көбөйүү менен 85,5 млн долларды түздү. Бул тууралуу Улуттук банк жарыялаган статистикалык маалыматтар тастыктап турат.

Апрель айында жеке адамдардын чет өлкөлөргө акча каражаттарынын агылып чыгуусунун кескин өсүшү катталды. Андан кийин Кыргызстандан акча которуулар 2,2 эсеге өсүп, марттагы 34,5 миллион доллардан апрелде 74,7 миллион долларга чейин өстү. Май айында бул тенденция бир топ басаңдаганы менен уланды.

Каражаттын негизги бөлүгү Орусияга — 80,1 миллион доллар 2022-жылдын май айында кеткен. Бул байкоолордун бүткүл убактысы үчүн рекорддук сумма. Буга чейин максималдуу көрсөткүч 2018-жылдын октябрында катталып, 56,2 миллион долларды түзгөн.

Дагы 600 миң доллар Кыргызстандан Казакстанга, 400 миң доллар КМШнын башка өлкөлөрүнө жөнөтүлгөн.

Май айында алыскы чет өлкөлөргө 4,4 миллион доллар жөнөтүлдү. Апрель айына чейин КМШдан тышкаркы акча которуулар 700-900 миңге чейин өзгөрүп турду.