Октябрда жеке адамдар өлкөгө 286,9 млн доллар которду

Октябрь айында Кыргызстанга жеке жактардан акча которуу системасы аркылуу 286,9 миллион доллар түшкөн. Бул тууралуу Улуттук банк билдирди. 

Бул сан ушул жылдын сентябрь айына салыштырмалуу 1,7% төмөндөсө, 2021-жылдын ушул мезгилине салыштырмалуу 13,71% өскөн.

Октябрда Орусиядан которулган акчалар 1,9%га азайган. Орусиядан сентябрда 278,1 млн доллар келсе, октябрда 272,9 млн доллар келген. Ал эми алыскы чет өлкөлөрдөн 2,27%га чейин акча которуу төмөндөгөн. Чет өлкөлөрдөн которулган каржаттар 13,2 млн доллардан 12,9 млн долларга чейин төмөндөгөн. 

Которулган каражатардын 95,1%ы Орусиядан, 6% же 4,5 млн доллар, АКШдан, 0,63% же 1,8 млн долларТүркиядан келген. 

Кошумчалай кетсек, быйыл январь-октябрь айларында Кыргызстанга акча которуу системасы аркылуу 2 миллиард 498,6 миллион доллар түштү. Ага ылайык, 2021-жылдын ушул эле мезгилине карата өсүш 9,4%ды түздү.