Ош облусунда 27 миңден ашуун адам эмдөөдөн өттү

2021-жылдын 14-июлуна карата Ош облусунда 16 миң 695 адам вакцинанын биринчи дозасы менен, 11 миң 232 адам экинчи дозасы менен эмделди. Бул тууралуу Милдеттүү камсыздандыруу фондунун сайтында маалымдалды.

Биринчи доза менен эмделгендердин ичинен саламаттык сактоо кызматкерлеринин саны 5 миң 650 адам, билим берүү мекемелеринин мугалимдери жана кызматкерлери 4 миң 502 адам, мамлекеттик кызматкерлер 1 миң 2 адам, ички иштер органдарынын 126 кызматкери, 60 жаштан ашкан 2 миң 102 адам, башка категориядагы 2 миңден ашуун кишини түздү. 

Жалпысынан Ош облусуна 98 вакцинациялык убактылуу пункт жайгаштырылган.