«Кумтөр» боюнча Аскар Акаевге козголгон кылмыш иши токтотулду

"Кумтөр" боюнча мурдагы президент Аскар Акаевге козголгон кылмыш иши токтотулду. Маалыматты “Акчабарга” Башкы прокуратуранын басма сөз кызматы тастыктады.

Белгиленгендей, иш кылмыш жоопкерчилигине тартуунун мөөнөтү өтүп кеткенине байланыштуу жабылды.

Акаевге 1992-жылы "Кумтөр" долбоору боюнча башкы макулдашууну түзүү, ага 1994-жылы өзгөртүү киргизүү жана 2003-жылы "Камеко" компаниясы менен башкы макулдашууну реструктуризациялоодогу коррупцияга байланыштуу айып тагылган.

Мурдагы президент акыркы эки жылда көрсөтмө берүү үчүн Бишкекке бир нече ирет келип кеткен.