Жылдын биринчи кварталында дизелдик отундун баасы 21,8%га кымбаттады

Ушул жылдын биринчи кварталында ЕАЭБде автобензинге керектөө бааларынын индекси 2022-жылдын ушул мезгилине салыштырмалуу 99,9%ды түздү же баалар 0,1%га төмөндөдү.

Төмөндөө бензиндин баасы 15,5% кымбаттаган Беларустан жана баасы өзгөрбөгөн Казакстандан башка бардык өлкөлөргө байланыштуу. Ошол эле учурда, бензин баарынан көп Арменияда, бир эле учурда 26,7%га арзандаган. Кыргызстанда күйүүчү майдын баасы 9,3%, Орусияда 0,1%га төмөндөдү.

Белгилеп кетсек, март айында Кыргызстанда бензиндин орточо керектөө баасы биримдик боюнча эң төмөнкү көрсөткүчтөрдүн бири бойдон калган - литри үчүн $0,61. Бул Казакстандыкынан 0,21 долларга, Армениядан 0,4 долларга аз.

Ошол эле учурда биримдиктин бардык мүчө мамлекеттеринде дизель майы кымбаттады. Баалардын эң олуттуу өсүшү Кыргызстанда 21,8%га белгиленди.

Кыргызстанда дизелдик отун бир топ жогорулаганына карабастан, анын Арменияга салыштырмалуу баасы төмөн. Эгерде март айында бизде литрине орточо баа 0,85 долларды түзсө, Арменияда 1,37 долларды түздү.