«Түндүкэлектрде» директорлор кеңеши кайра шайланды

 

Кече, 9 -сентябрда “Түндүкэлектр” ААКда акционерлердин кезексиз жалпы чогулушу өттү. Бул тууралуу бөлүштүрүүчү компаниянын сайтында жазылды.

Күн тартибине эсептөө комиссиясынын курамын бекитүү, 2021-жылдын жылдык бюджетине өзгөртүүлөрдү киргизүү, директорлор кеңешинин мүчөлөрүнүн ыйгарым укуктарын мөөнөтүнөн мурда токтотуу жана жаңы курамын шайлоо маселелери кирди.

Жыйынтыгында Замирбек Ходжомамбетов, Кубаныч Беков, Илгиз Сыдыгалиев, Кадырбек Кошбай уулу, Бахтияр Бобеков “Түндүкэлектр” ААКтын директорлор кеңешине шайланды.