Таласта автоЦОН ачылды

"Унаа" мамлекеттик мекемеси Таласта автоЦОН ачты. Бул тууралуу Мамлекеттик каттоо кызматынын басма сөз кызматы билдирди.

250 чарчы метр аянтты ээлеген автоЦОН аймактагы калкты тейлөө борборунун башкы имаратында жайгашкан. Оңдоо иштери 2020-жылдын декабрь айында башталып, беш айда бүттү.

Жаңы сектор калкка автоунааны каттоону, айдоочулук күбөлүктөрдү берүүнү, экзамендерди тапшырууну жана башка кызматтарды жеңилдетүү максатында иштелип чыккан.

МААЛЫМАТ ҮЧҮН:

Кыргызстанда "Унаа" мамлекеттик мекемесинин 26 бөлүмү бар.
2020-жылдын 1-сентябрында Бишкекте биринчи автоЦОН ишке кирген.
12-апрелден баштап Кара-Балта шаарында автоЦОН иштей баштады.
Каракол шаарындагы автоЦОНду оңдоо иштери кызуу жүрүп жатат.