Кыргызстан январь айында импортту 22%га көбөйттү

14 марта 2023, 12:16

Быйылкы жылдын январында Кыргызстандын тышкы жана өз ара соодасынын жалпы көлөмү 834 миллион 700,6 миң долларды түздү. Бул тууралуу Улуттук статистикалык комитеттин материалдарында айтылат.

Өткөн жылдын ушул мезгилине салыштырмалуу бул көрсөткүч 20,5%га өскөн.

Импорттун көлөмү 709 миллион 192,9 миң долларды түзүп, 2022-жылдын январь айына салыштырмалуу 22%га өстү. Экспорт 125 миллион 507,7 миң долларга жетип, өткөн жылдын ушул мезгилине салыштырмалуу 12,9 пайызга көбөйдү.