Sinopharm вакцинасы аймактарга жеткирилет
Sinopharm вакцинасы таркатуу, ташуу жана сактоо алгоритмине ылайык, республиканын аймактарына бүгүн жеткирилет. Мындай маалыматты коронавирус менен күрөшүү Республикалык штабынан билдиришти.
«Аймактык деңгээлге келгенден кийин вакциналар муздаткычтагы бөлмөлөрдө +2 +8 температурада сакталып, андан ары регионалдык деңгээлге бөлүштүрүлүп, убактылуу эмдөө пункттарына жөнөтүлөт», - деди Кыргыз Республикасынын Министрлер Кабинетинин Төрагасынын орун басары Жылдыз Бакашова.
Эске салсак, планга ылайык, калктын 70%, же 2 миллион 187 миң адамды эмдөө керек.