Венгрия Кыргызстанга чакан жана орто бизнести илгерилетүү боюнча тажрыйбасы менен бөлүшөт

Венгриянын экспортту илгерилетүү агенттиги (НЕРА) чакан жана орто бизнести колдоо боюнча тажрыйбасы менен бөлүшүүгө даяр. Бул тууралуу тышкы иштер министринин биринчи орун басары Нуран Ниязалиев менен HEPAнын аткаруучу директору Криштоф Сабонун жолугушуусунда белгилүү болду.

Тышкы иштер министрлигинде белгиленгендей, тараптар Кыргызстан менен Венгриянын ортосундагы соода-экономикалык кызматташтыкты мындан ары кеңейтүү маселелерин карашты.

Мындан тышкары, Тышкы иштер министрлиги Венгриянын Соода-өнөр жай палатасы менен биргелешкен бизнес-форум өткөрүүнү талкуулап жатат.