Кыргызстандын тышкы соода жүгүртүүсү 15.8% төмөндөгөн

Кыргызстандын тышкы соода жүгүртүүсү алдын-ала божомолдонгон боюнча, 2020-жылдын январь-март айларында 1 млрд 364.4 млн долларды түзүп, өткөн жылга салыштырмалуу 15.8% төмөндөгөн. Бул маалыматты Улуттук статистикалык комитети билдирди. 

Муну менен катар экспорттун көлөмү 0.8%, импорт - 21.8% төмөндөгөн. 

 

«Кыргызстандын ЕАЭБге мүчө мамлекеттер менен болгон соодасынын көлөмү 2020-жылдын январь-март айларында 614 млн долларды түзүп, 2019-жылдын январь-март айына салыштырмалуу 3% жогорулаган», — деп жазылат маалыматта. 

 

ЕЭБден ташылып келген товарлардын көлөмү 5.1% жогорулап, экспорт - 3.7% төмөндөгөн. 

Өлкөгө товарлардын басымдуу бөлүгү Орусиядан (71.7%) жана Казакстандан (26.5%) келет.