Кыргызстанда айдоочулук күбөлүк ноябрь айынын аягынан тарта бериле баштайт

Улуттук жана эл аралык үлгүдөгү айдоочулук күбөлүк 2019 – жылдын ноябрь айынын аягынан тарта бериле баштайт. Бул тууралуу КР өкмөтүнүн жыйынында айтылды. 

Айдоочулук күбөлүктү чыгаруу боюнча тендерди ОсОО «Госзнак» утуп алган. Аны менен катар улуттук үлгүдөгү айдоочулук күбөлүктүн баасы 90% арзандаган, т.а. 925 сомдон 100 сомго түшкөн, ал эми эл аралык үлгүдөгү айдоочулук күбөлүк – 577 сомдон 52 сомго түшкөн. 

Өкмөт башчы Мухаммедкалый Абылгазиев билдиргендей, мындан ары валюталык курстун өсүшү баанын өзгөрүүсүнө таасирин тийгизбейт. Жыйналыш учурунда премьер-министр жаңы үлгүдөгү айдоочулук күбөлүктү берүүнү жана калкты тейлөө борборунун кеңейтүү тууралуу суроолорду карап чыгууну тапшырды.